LAOAG CITY – Balligi a nakaisurat ti pakasaritaan ti team captain ti France a ni Kylian Mbappe kas France’s all time record goalscorer kalpasan ti inaramid na a 2 a puntos a nagitunda ti dominant 3-1 victory kontra iti Senegal ti World Cup Group I.
Iti umuna a paset ti ayayam, nagbalin a dominante ti kameng ti African team ngem kalpasan ti first half ket inpakita ti France national team no apay a naawaganda kas twice world champions babaen iti panangdominarda ti maikadua a paset ti laban.
Indauloan ni captain Mbappe ti teamna kalpasan a binuongna ti nabayag a tabla nga score ti katenggan ti ayayam nga iso ti nangperdi ti depensa ti Senegal ti paset ti 66th minute a nagitunda ti neat score finish para iti teamda.
Rinugian ti Senegal ti ayayam nga adda kenkuada ti lamang a nangparigat ti France a maka goal attempts ngem idi madanunan ti maika 58 minutes ket insigida a bimmaliktad ti istorya ti ayayam kalpasan a nagdinnalapus ni Hadji Malick Diouf ken ni Mbappe ngem saan a sinultipan daytoy a penalty ti referee.
Nangrugi met a bimmaliktad ti istorya kalpasan nga in throw-in ni Olise ti bola ken ni Mbappe a nangitunda ti score para iti France.
Kabayatanna, riniing met ni Mbaye ti Senegal babaen iti fine dribble ken smashing shotna iti top corner a nangitunda ti score ti maika 95th a minutos ti ayayam.
Iti baet daytoy, nangaramid met ti final word ni Mbappe kontra iti Senegal kalpasanna a naka iskor iti left corner ti maududi a minutos ti ayayam a nangituding ti signature win style ti France babaen iti last minute score.
Iti agdama, balligi a nabuong ni Mbappe ti record ni Olivier Giroud’s kalpasan a nakaaramid daytoy ti pakasaritaan a 58 goals iti buo a football careerna para iti France National team.
