LAOAG CITY – Naisentro iti imatang dagiti sumagmamano a presidential candidate iti 203 bilyon a pisos nga estate tax, manipud iti kapamilya ni dati a Presidente Ferdinand Marcos Sr.
Daytoy ket mainaig iti saludsod a kasapulan ti pagilian iti kuarta tapno mapondoan dagiti subsidiya para kadagiti mannalon ken PUV drivers.
Iti debate nga inyuswat ti Comelec, ginundawayan ni Manila Mayor Isko Moreno nga indasar ti issue kalpasan nga inpeksa ni labor leader Leody De Guzman ti panagladingit na iti panagsentro ti kinabaknang iti sumagmamano ken panagadu dagiti marigrigat iti baet nga adun a presidente dagiti naelektaran.
Inpanamnama ni Moreno kadagiti umili, a ti maysa a pamilya nga addaan ti utang nga umabot iti 203 a bilyon a pisos nga estate tax, ket masigurado a masingir daytoy.
Kuna na nga alaen na ti 203 a bilyon a pisos ken ipaay na kadagiti mannalon, kadagiti driver kas ayud, iti publiko nga agkasapulan ti tulong iti agdama.
Mainaig iti daytoy, iti kampo ni presidential candidate ken dati a senador Ferdinand Marcos Jr a ti pidaso ti sanikua a karaman iti estate tax ket adda pay laeng iti babaen ti litigation.
Inbatad ti kampo ni Marcos nga addaan ti katulagan mainaig iti collection iti Presidential Commission on Good Government ken ti Bureau of Internal Revenue.
Nupay kasta, nagkedkedan ti PCGG ken BIR daytoy.
Kuna ti PCGG a ti isyu ket iniggaman ti Korte Suprema nga addaan ti finality idint ti BIR ket nangrugin a nagipatulod ti collection notices iti nasao a pamilya.
Inbasura ti nangato a korte idi tawen 1997 ti petisyon nga inpila ni Marcos Jr tapno mabaliktad ti desisyon ti Court of Appeals.
Idi tawen 1994, ti ruling ti CA a nagbalin a pinal ken unappealable ti deficiency assessments para ti estate ken income tax ti petitioner ken ti estate ni dati a Presidente Marcos.
Saan met a nasungbatan ti kandidato a Marcos ti sarita ni Moreno ken dagiti dadduma nga aspirants seknan ti saan a nabayadan nga estate tax gapu ta saan nga immatendar iti debate.
