LAOAG CITY – Saan a maapektaran iti panangipaay ti tulong kadagiti umili iti baet ti mapaspasamak a riribok iti pulitika.
Daytoy ti inpasingked ni Ilocos Norte 1st District Rep. Sandro Marcos.
Segun kenkuana, babaen ti naig-iget a pannakikoordinar ti opisinana kadagiti ahensia ti gobierno kas ti Department of Social Welfare and Development ket napinpintas a serbisio publiko ti maipaay kadagiti umili.
Nagyaman ti diputado iti nasao nga ahensia kadagiti amin a tulongda kadagiti umili ken iti umuna a distrito ditoy probinsia.
Kunana kas maysa a Majority Leader ket adu dagiti trabahona kas maysa a Mayor iti Kongreso isu a saanna a maliklikan a ma-stress.
Innayonna a kanayonna nga ibagbaga iti amana a ni Presidente Ferdinand Marcos Jr. nga uray kasano kaadu ti trabahona ket saanna a liplipatan dagiti umili.
