LAOAG CITY – Umabot iti 22 nga ektaria ti kataltalonan ditoy siudad ti Laoag ti namulaan ti tabako.
Segun ken ni Engr. Shiela Opelac, mangidadaulo ti City Agriculture Office ditoy siudad nga agarup 25 a barangay ti agmulmula ti tabako.
Inbatadna a pakairamanan ditoy ket iti akindaya a paset ti siudad kas ti Barangay Bacsil North, Bacsil South, Lataag, Barangay 2, Sta. Maria ken Barangay 1.
Kunana a nasayaat no adu dagiti mannalon nga agmula ti tabako ditoy siudad gapu ta napintas daytoy a produksion ti lokal a gobierno.
Inlawlawagna a dagiti mannalon nga agmulmula ti tabako ditoy siudad ket makaawat ti libre nga abono, hose ken dadduma pay a kasapulanda.
Malaksid iti daytoy, inpakaammo ni Engr. Opelac a planoda pay a palawaen ti pagmulaan kadagiti mannalon ti tabako gapu ta makitada a maysa daytoy a makatulong kadakuada.
Innayonna nga adda payen dagiti mannalon a naipaayan ti baka gapu iti kinalawa ti namulaanda a tabako ken maipaayanda pay ti manok.
