LAOAG CITY – Nagbakwit ti agarup 25,000 a tattao gapu iti wildfire a napasamak idiay Jasper, Canada a nakauraman ti sumagmamano a tourist buildings.
Gapu iti nakaro nga uram, ket naruay dagiti nadadael iti Jasper National Park.
Malaksid iti Jasper ket maipalagip a ginasut pay nga uram iti western provinces a pakairamanan ti Alberta ken British Columbia, no sadinno a nasurok 58,000 a kimat ti napasamak idi laeng napan a lawas a nangitunda ti Wildfire kadagiti kabakbakiran.
Agarup 1,900 a bombero ti Alberta ti naideploy, pakairamanan dagiti bombero ti manipud Alaska ken Australia, tapno agresponde ken maispal dagiti residente.
Iti kaudian a rekord, nasurok 400 a fire incident ti nairekord idiay British Columbia ken 176 iti probinsya ti Alberta.
Kabayatanna, inaprobaran metten ni Prime Minister Justin Trudeau ken ti gobierno na ti federal assistance a maiyeg idiay Alberta.
