LAOAG CITY – Nakaruaren ti ospital ti 26 a pasiente ti leptospirosis iti San Lazaro Hospital iti Manila kalpasan ti opisial nga indeklerar a nalaing ken cleared for discharge.
Basar iti ospital, kaadoan kadagiti naagasan a pasiente ket nakapasar ti infection gapu ti pannakayuper wenno exposure iti danum ti layus.
Nagbalakad dagiti health official a ti bacteria ti leptospirosis ket mabalin a mangitunda ti kangrunaan a sintomas kas ti gurigor, sakit ti ulo, panagsakit ti muscle ken panagtagerger.
Gagangay nga agpakita dagiti senyales iti uneg ti dua a lawas kalpasan ti pannakayuper iti layus ngem mabalin pay daytoy a mang-manifest iti uneg ti dua agingga 30 nga aldaw.
Mainaig iti daytoy, nagballaag ti ahensia a no saan maagasan nga insigida, mabalin a kumaro ti leptospirosis ken mangitunda ti makapatay a komplikasion.
Gapu iti daytoy, naiget a binalakadan ti health care center iti publiko nga agpakonsultar insigida iti kaasidgan a health care center no makapasar ti aniaman a sintomas kalpasan ti pannakayuper iti layus.
Inpetteng dagiti eksperto a napateg ti nasapa a diagnosis ken insigida a panag-agas tapno maliklikan ti nakaro a sakit ken masalakniban ti biag.
