LAOAG CITY – Naipaay ti 282 a sako ti bagas kadagiti Market Vendors ken Stall Owners a naapektaran ti uram iti merkado publiko iti siudad ti Batac.
Daytoy ken inpaay ti opisina ni 2nd District Congressman Angelo Marcos Barba nga inpaimana iti lokal a gobierno ti siudad.
Inpakaammo ni Barba nga umuna a tulong nga ipaayda daytoy para kadagiti pamilia a naapektaran ket inpanamnamana a sisasagana ti opisinada a tumulong kadagiti naapektaran bayat ti panagbangon manen iti siudad manipud iti naladingit a pannaka-uram dagiti kangrunaan a pagbiagan dagiti nasao nga umili.
Maipalagip a naapektaran ti narway a Market Vendor ken Stall Owners iti napasamak nga uram iti rabii ti Domingo, Hulio 5 iti merkado publiko iti siudad ti Batac no sadinno a basar ti Provincial Resiliency Office ket sumurok kumurang 10 a milyon a pisos ti balor dagiti nadadael.
