LAOAG CITY –Inannunsio ti transport group a Manibela ti panangipatungpalda ti transport strike inton Lunes, Agosto 10 agingga 12.
Segun ken ni Manibela chairperson Mar Valbuena, ituloyda ti tallo nga aldaw a saan nga agbiahe no saan a maaprubaran ti kiddawda para iti provisional fare increase.
Inbatad ni Valbuena anga agkidkiddawda ti P2 a kanayunan a panagngato ti plete bayat ti manarimaan a deliberasion ti petisionda.
Inpettengna nga agtultuloy a paspasaren dagiti tsuper ken operators ti jeep ti nangato a presio dagiti produkto ti petrolio.
Mainaig iti daytoy, immunan nga inbatad ti Land Transportation and Regulatory Board (LTFRB) ti pannakairekomendarna daytoy iti Department of Transportation.
Kabayatanna, immapela ti Manibela President kadagiti komyuter iti planoda a panagsardengda nga agbieahe a segun kenkuana, last resort-da daytoyen gapu tab ado dagiti drayber ti jeep nga agsardengen nga agbieahe gapu iti agtultuloy a panagngato ti presio ti langis.
