LAOAG CITY – Saan a bumaba iti tallo a Palestino ti natay iti Gaza kalpasan ti dua a nagsina nga airstrikes ti Israeli military, basar iti local health officials ken medics ti Palestine.
Daytoy ti baro nga insidente iti baet ti maysa nga United States brokered ceasefire a maipatpatungpal iti sumurok lima a bulan.
Basar iti Palestinian health officials, maysa a lalaki ti napapatay iti airstrike a mapapati nga adda iti lugan iti Khan Younis iti southern Gaza idinto a dua nga agkabsat a lalaki ti napapatay iti Shujiaya, maysa a lugar iti Gaza City.
Saan nga insigida a nangipaay ti rakurak ti Israeli military mainaig iti dua nga airstrikes.
Sipud idi naipatungpal ti ceasefire iti nagbaetan ti Israel ken Hamas idi Nobiembre, sumurok 680 a Palestino ti natayen iti Gaza, basar iti local health officials no sadinno nga addan ti pakabuklan a sumurok 72 a ribu ti nairekord a pimmusayen.
Basar iti Hamas-affiliated Shehab News Agency, napapatay ti agkabsat kalpasan a ginandat nga i-hostage isuda ti maysa nga Israeli-backed Palestinian militia iti Gaza.
Naglikudan ti Hamas wenno dadduma pay a militante a grupo a miembroda ti agkabsat.
Kabayatanna, segun kadagiti nakakita, armado ti agkabsat ken nakidinnungpar iti militia sakbay a tinarget isuda ti drones.
