LAOAG CITY – Natay ti tallo nga indibidual kabayatan ti selebrasyon ti FIFA World Cup iti Mexico City kalpasan a nagballigi ti Mexico kontra iti Ecuador.
Basar iti report, karaman kadagiti natay ket ti agtawen ti 48 a babai ken ti agtawen ti 44 a lalaki, kasta pay ti agtawen ti 19 a babai gapu iti suffocation kabayatan ti selebrasyon.
Naamoan nga umabot iti nasurok a maysa a milyon a tattao ti nagtitipon iti ciudad tapno selebraran ti kaunaan a panangabak ti Mexico iti FIFA World Cup sipud pay idi 1986.
Indanun a dagus ni City Mayor Clara Brugada ti pannakipagladingit na iti pamilya dagiti pimmusay ken inkari na ti panangipaay ti gobierno ti suporta kadagiti sumarsaruno nga aldaw.
