LAOAG CITY – Nasugatan ti tallo nga Overseas Filipino Worker iti napasamak a drone strike iti Kuwait International Airport.
Karaman ti tallo nga Overseas Filipino Worker iti sumurok 60 nga indibidual ti nasugatan gapu iti insidente a napasamak idi Hunio 3.
Nangitunda daytoy ti dakkel a pannakadadael kadagiti pasdek iti eropuerto ti napasamak nga airstrike.
Basar iti Department of Migrant Workers, dua iti tallo nga Overseas Filipino Worker ket naagasan idinto ti maysa ket kinasapulan pay a daiten dagiti sugat daytoy iti ima ken ulo.
Inbatad ni Department of Migrant Workers Secretary Hans Leo Cacdac a binisita ti Migrant Workers Office dagiti nasugatan nga Overseas Filipino Worker no sadinno a nakaruaren dagitoy iti ospital.
Naiget a banbantayan dagiti kaudian a pasamak iti nasao a pagilian.
Naammoan a manarimaan ti pannakaiyurnosen ti panagawid kadagiti naapektaran nga Overseas Filipino Worker iti lugar.
Immunan a naglikudan ti Iran nga isuda ti adda iti likudan ti panangatake no sadinno a ti United States interceptor missiles ti nagbiddot iti pannakaiwayat daytoy a dimmiretso iti eropuerto.
