LAOAG CITY – Natay ti 3 ken 5 ti nasugatan iti pammaltog a napasamak iti uneg ti San Jose National High School iti Barangay San Jose, Tacloban City.
Segun iti pulisia, dua ti menor de edad a suspek ti karaman iti insidente.
Maysa kadagitoy ti insigida a naarestar iti uneg ti pagadalan kabayatan a ti maysa ket nakalibas ngem simmuko met laeng kalpasan ti pannakikoordinarna kadagiti otoridad.
Segun iti inisial nga imbestigasion, rumrumuar a ti maysa a suspek ket maipagarup a nakapadas ti panag-bully, ngem agtultuloy ti panagimbestigar ti motibo iti likod ti pammaltog.
Insigida met a naitaray iti balay pagagasan dagiti nadangran iti pannakatamingda.
Nag-deploy met ti kanayonan a puersa ti Police Regional Office-8 (PRO-8) tapno masigurado ti seguridad iti lugar.
Kabayatanna, temporario a nasuspenso ti klase iti San Jose National High School para iti agtultuloy nga imbestigasion.
Nangiparuk-at met ti sungbat ti Department of Educational Regional Office VIII ken impasiguradodaa maikkan ti pyschosocialsupport dagiti estudiante ken mangisursuro a naapektaran ti insidente.
