LAOAG CITY – Umabot laengen ti 30 dagiti aktibo a kaso ti covid-19 ditoy ciudad ti Laoag kalpasan a nalaingan dagiti siyam a nagpositibo iti virus.
Segun kenni Dr. Joseph Adaya iti City Health Office, agtultuloy latta ti maiyuswat a mass swab testing ken ti panakkaipatungpal ti CHO dagiti pagannurutan kangrunaan na iti merkado publiko.
Iti agdama ket addaan ti ciudad ti Laoag ti 256 ti pakabuklan a bilang dagiti nalaingan ditoy laeng ciudad ket ti kaso ket umabot iti 286.
Mainaig iti daytoy, inadmitir met ti lokal a gobierno ditoy ciudad ti Laoag nga adda ti panagkurang dagiti quarantine facilities.
Nupay kasta, manamnama a makipinnirma ti lokal a gobierno iti MOA iti maysa a hotel iti ili ti Currimao tapno adda ti pagtalinaedan dagiti sumangpet kangrunaan na ita nga holiday season.
Kabayatanna, umabot met iti 181 a naka-quarantine ken 10 kadagitoy ket adda iti Provincial Isolation Units idinto a dagiti 171 ket adda iti City Isolation Units.
