LAOAG CITY – Umabot iti agarup 300 a Barangay Health Workers (BHW) ditoy ciudad ti Laoag ti dimmalan ti seminar mainaig kadagiti nagduduma a sakit.
Ti kangrunaan a napagsasaritaan ket maipanggep iti colorectal cancer, rabies, leptospirosis, tuberculosis, panagsigarilyo, Human Immunodeficiency Virus ken cough etiquette.
Maipalagip a dagiti Barangay Health Workers ti umuna a responders wenno mangkita ti sitwasion dagiti kabarangayan da isut gapuna a nakapinpintas a maipaadal kadakuada dagitoy tapno ammoda ti ar-aramiden da no kasapulan.
Ti seminar ket nagbibinnuligan ti Department of Health, Mariano, Marcos Memorial Hospital & Medical Center, Philippine College of Physicians Ilocos-Abra Chapter ken ti Laoag City Government babaen ti City Health Office.
