LAOAG CITY – Kinumpirmaran ti Department of Migrant Workers (DMW) a nagsublin ditoy pagilian ti 38 a Filipino crew members ti MV Hondius, a dati a nakaireportan ti kaso a hantavirus.
Kinuna ni DMW Secretary Hans Leo Cacdac a natalged a nagawid dagiti seafarers manipud iti Netherlands kalpasan a nakompletoda ti quarantine.
Sakbay a nag-quarantine, amin a 38 a Filipino crew members ket negatibo met iti hantavirus.
Kinuna pay ni Cacdac nga agtultuloy ti panangawat dagiti seafarers iti sueldoda iti nabatbati a paset ti kontratada.
Ti hantavirus ket manipud kadagiti bao agingga iti tao. Nupay kasta, segun iti World Health Organization (WHO), awan pay ti nairekord a kaadda dagiti bao iti barko, isu a maad-adal ti posibilidad ti human to human transmission.
