LAOAG CITY – Naipasa iti maikadua ken maudi a pannakaibasana iti Draft Resolution No. 2024-03-266 ti maysa a resolusion a mangaprobar iti pannakausar ti Seal of Good Local Governance Incentive Fund 2023 iti gatad nga uppat a milyon a pisos para iti panaggatang kadagiti rescue boats.
Daytoy ket indasar ni Sangguniang Panlalawigan Member Atty. Franklin Respicio, ti Chairman ti Committee on Natural Resources kabayatan iti naisayangkat a Regular Session iti huntal probinsial.
Inbatadna a basar iti nailanad iti Republic Act No. 10121 ket panangpapigsa ti sistema ti Philippine Reduction and Management System a mangipaay ti pannakaadaptar ti holistiko ken komprehensibo ti amin a peggad a multi-sectoral ken Community Based Approach iti Disaster Risk Reduction Management ken Climate Change.
Mainaig iti daytoy, inpettengna a ti Seal of Good Local Governance ket maysa a progresibo nga insentibo a pundo a maited kadagiti kualipikado a Local Government Unit iti porma ti counterpart fund tapno mapundoan dagiti High Impact Local Development Projects.
Kunana nga ipangpangruna ti lokal a gobierno tapno ad-adda a maipadanon ti napintas ken nasayaaat a serbisio iti publiko.
Nammoan a ti magatang nga equipment ket dua a rescue boats no sadino adda ti mailugan daytoy a walo agingga sangapulo nga indibidual.
Babaen iti daytoy, mabalin a mausar iti karayan ken iti kabaybayan.
Iti agdama, addaan ti Provincial Disaster Risk Reduction and Management Office ti maysa a rubber boat, maysa fiber glass boat ken maysa nga smaller boat ngem dagitoy ket saan a mausar iti open sea area.
Immuna iti daytoy, dagiti magatang ket nayon dagiti rescue equipments iti Provincial Disaster Risk Reduction and Management Office a mausar no adda ti sumangbay a didigra.
