LAOAG CITY – Inpakaammo ni Mayor James Bryan Alcid nga adda ti pannakaitantan iti pannakaibunong dagiti behikulo iti kada barangay ditoy ciudad ti Laoag.
Segun kenni Mayor Alcid, nabaliwan ti nagan dagiti behikulo manipod patient transport vehicle ket napagbalin a multi-purpose vehicle tapno ad-ado dagiti mabalin a pakausaran na ken saan a malimitaran iti pannakausar na laeng a pagiluganan ti pasyente nga agkasapulan ti serbisyo medikal.
Nupay kasta, kuna ti mayor a kalpasan iti daytoy ket adda ti lungalong ti Department of the Interior and Local Government (DILG) a saan a mabalin nga usaren ti termino a “vehicle” isut gapuna a binalbaliwan da ti van.
Malaksid iti daytoy, nairana nga adda ti krisis a napasaran isut gapu na nga inprayordad da a pinondoan dagiti subsidiya iti nagduduma a sektor ken nangitunda ti pannaka-reallign ti pondo da nga isu ti rason ti nakaitantanan ti pannakaibunong dagiti behikulo.
