LAOAG CITY – Natiliw dagiti uppat a tattao gapu iti illegal a panagsusugal da iti maysa a balay iti Barangay 34-B, Gabu Norte ditoy ciudad ti Laoag.
Nabigbig daytoy a ni Perpecto Quitog, agtawen ti 63, Elenita Clemente, agtawen ti 61, Carolyn Quitog, agtawen ti 49 ken ni Thelma Clemente, agtawen ti 70, maysa a retirado a midwife, agpapada dagitoy a residente ti nasao a barangay.
Nakumpiskar dagiti otoridad ti 1,020 a pisos a taya dagiti suspek, maysa a lamisaan, uppat a mono block chairs ken maysa a set ti baraha.
Iti agdama, nagtalinaed dagiti suspek iti kustodyar ti PNP ditoy ciudad ti Laoag bayat ti pannakaisagsagana ti kaso a maipila kontra kadakuada.
