LAOAG CITY – Natiliw dagiti 4 a tattao gapu iti illegal a panagsusugal da ditoy ciudad ti Laoag.
Nabigbig dagitoy a da Dave Albert Manding Nicolas, agtawen ti 35, Marlon Martinez Bartolome, agtawen ti 36, ken ni Marlon Catindig Andres, agtawen ti 28, agpapada dagitoy nga awanan ti asawa ken taga Barangay 13 ditoy ciudad ti Laoag, ken ni Lovella Ramos Jilo agtawen ti 29, balasang ken residente met iti Barangay 15 ti nasao a ciudad.
Nakumpiskar dagiti otoridad iti lugar ti kwarta nga 679 a pisos a maipagarop a pusta dagiti suspek, 4 a mono block chairs, lamisaan, belt bag naglaon ti kwarta a nasurok a 120 a ribo a pisos, dua a cellphone ken naduma-duma nga ID’s.
Iti agdama, nagtalinaed dagiti suspek iti kustodyar ti PNP-Laoag ken maisagsaganan ti kaso kriminal kangrunaan na ti panaglabsing ti Presidential Decree (PD) No. 1602 kontra kadakuada.
