LAOAG CITY – Naganunsio ti interes ti lima nga ekonomia a makipaset iti Regional Comprehensive Economic Partnership (RCEP) kagiddan iti kalikagum ti Association of Southeast Asian Nations wenno ASEAN a palawaen ti pannakakameng ti nadakamat a regional trade bloc.
Basar iti opisial nga anunsio kalpasan ti 58th ASEAN Economic Ministers’ Meeting iti Manila iti kallabes, inbatad ti organisasion a pormal a nagkiddaw ti accession iti Regional Comprehensive Economic Partnership (RCEP) ti Hong Kong, Sri Lanka, Chile, Bangladesh ken Uruguay.
Nabara nga inawat dagiti ministro ti ekonomia ti Association of Southeast Asian Nations (ASEAN) dagiti kangrunaan nga addang para iti panangpalawa ti Regional Comprehensive Economic Partnership (RCEP) ken nagpanawagan ti agtultuloy a panangikagumaan tapno mapadur-as ti proseso ti panagawat kadagiti baro a miembro.
Inpetteng ti Association of Southeast Asian Nations (ASEAN) a ti pinaiget a katulagan iti Regional Comprehensive Economic Partnership (RCEP) ket rumbeng nga agtalinaed a moderno, nakasagana iti masakbayan ken alisto a panagsungbat iti kabaroan a kasasaad ti ekonomia ti rehional ken sangalubongan.
Ti Regional Comprehensive Economic Partnership (RCEP) ket indauloan ti Association of Southeast Asian Nations (ASEAN) kas maysa a kangrunaan a pundasion ti rehional a panaglaklako wenno negosio a mangpatibker kadagiti supply chain ken mangpauneg ti relasion iti pagpuonan ken negosio dagiti kameng a pagilian.
