LAOAG CITY – Umabot iti lima a mahistrado ti Korte Suprema ti nangirakurak ti dissenting opinion iti nagbalin a desisyon ti Supreme Court En Banc nga ibasura ti kiddaw ni Senador Ronald “Bato” Dela Rosa para iti temporary restraining order (TRO) ke status quo ante order (SQAO) mainaig iti possible a pannakaarestar kenkuana basar iti warrant of arrest nga inparuk-a ti International Criminal Court (ICC).
Maipalagip nga idi Mayo 20, nagbotos ti SC En Banc ti 9-5-1 iti naisayangkat nga special session tapno pagkedkedan ti kiddaw ni Dela Rosa para iti interim relief.
Karaman kadagiti lima a mahistrado a nangkontra iti desisyon ket isuda Associate Justices Ramon Paul Hernando, Amy Lazaro-Javier, Henri Jean Paul Inting, Ricardo Rosario, ken Antonio Kho Jr.
