LAOAG CITY – Inbutaktak ni dati nga Ilocos Sur Governor Chavit Singson a maipagarop a “ghost projects” ti 5,500 flood control projects nga immunan a naireport a nalpas ti administrasyon.
Segun ken ni Singson, kalpasan ti maipagarop a panagpasyar na iti nagduduma a paset ti pagilian ken nakikoordinar kadagiti lokal nga opisyal, rimuar nga awan ti maipagarop nga aktuwal a naipatungpal a kastoy ti bilang ti proyekto.
Maipalagip a dinakamat ni Presidente Ferdinand Marcos Jr. iti 2024 State of the Nation Address ti rinibo a flood control projects kas paset ti panagsagsagana iti napipingsa a tudo a gubuay ti La Niña.
Inpetteng pay ni Singson a nakasagana nga agpila ti affidavit ken ebidensya iti Senate Blue Ribbon Committee inquiry, ngem saan a natuloy ti naikeddeng a panagdengngeg.
