LAOAG CITY – Target ti Bangko Sentral ng Pilipinas (BSP) a rugian ti lokal a produksion ti plymer banknotes iti 2027 tapno makissayan ti panagdependar ti pagilian kadagiti gangannaet a supplier ti kwarta a papel.
Basar iti ahensia, agsagsaganada ti production line iti Security Plant Complex iti Quezon City para iti panagaramid ti polymer bills.
Mainaig iti daytoy, maaddaan ti ahensia ti kapasidad nga agaramid ti sumurok-kumurang 500 a milyon a polymer banknotes kada tawen.
Iti agdama, mangnanama ti Bangko Sentral ng Pilipinas iti Australia para iti produksion ti polymer banknotes a maususar iti Pilipinas.
