LAOAG CITY – Inbatad ti Bangko Sentral ng Pilipinas (BSP) a mabalin pay nga ibabawi ti na-scam a kuarta no insigida ti pannaka-report ken adda pay laeng ti pondo no sadinno a daytoy ket iti babaen ti Anti-Financial Accounts Scamming Act (AFASA).
Mabalin a maitengngel dagiti mapagsusupiatan a pondo agingga iti lima nga aldaw. Mabalin a mapaatiddog daytoy bayat nga agtultuloy ti panangpaneknek, ngem saan a lumbes iti dagup a 30 nga aldaw ti kalendario malaksid no mapaatiddog ti korte.
Nupay kasta saan nga insigida ti pannakaisubli ti pondo ken agtultuloy ti panagballaag ti Bangko Sentral ng Pilipinas (BSP) a saan nga ipaay dagiti OTP, PIN, password, ken dadduma pay a sensitibo nga account information ken aguar laeng ti opisial a communication channels iti financial institution-da.
