LAOAG CITY – Nakakumpiskar ti Community Environment and Natural Resources Office (CENRO) iti ili ti Bangui ti 629 a kayo itay napan a tawen 2022.
Segun ken ni Mrs. Noemi Ruadap, mangidadaulo ti nasao nga opisina, kaaduan kadagiti nakumpiskar ket kayo a naggapo iti Apayao ken maipan koma iti Adams ngem awan ti dokumento dagitoy.
Mainaig iti daytoy, inpakaammo na a dagus a napilaan ti kaso dagiti maseknan nga iligal a nagibyahe kadagiti kayo.
Nagpalagip ni Ruadap a naiget ti CENRO iti pannakamonitor dagiti maibiahe a kayo rason a masapol nga adda ti maipakita a permit.
