LAOAG CITY – Umabot iti 78 a tattao ti natay kalpasan a naarinebneb ti nagluganan da a Bangka iti Lake Kivu iti eastern Democratic Republic of Congo
Napasamak ti nakaam-ames nga insidente, sumagmamano laengen a metro ket makadanun da koman iti destinasyon da.
Ti nasao a Bangka ket naggapo iti ili ti Minova iti South Kivu ngem naarinebneb apaman a nakadanun da iti paset ti Goma.
Basar iti report, umabot iti 278 a tattao ti nakalugan iti Bangka idi napasamak ti insidente.
Inbatad ni Governor Jean Jacques Purisi nga urayen ti tallo nga aldaw sakbay a maibaga ti eksakto a bilang dagiti pimmusay gapu ta adda pay dagiti nagtalinaed a mapukpukaw.
