LAOAG CITY – Kinumpirmaran ni Engr. Luciano Domingo Prov’l Engineer ti Ilocos Norte nga adda walo a proyekto, nangnangruna ti rangtay iti apektado iti panagkurang ti semento nga usaren ti contractor kadagiti nasao a proyekto ditoy probinsiya.
Segun ken ni Domingo, dagiti nasao a proyekto ket masarakan iti paset ti iti ciudad ti Batac ken iti ili ti Sarrat.
Nupay kasta, mangnamnama ni Domingo a saan nga agbayag ti parikot ti paggatgatang ti semento dagiti contractor ditoy probinsiya.
Kabayatan na, uray ni Dist. Engr. Maria Venus Torio, ti DPWH iti umuna a dsitrito ditoy Ilocos Norte ket kinumpirmaran adda panagkurkurang ti supply ti semento ditoy probinsiya addan sumagmamano a bulan ti napalabas.
Segun ken ni Torio, daytoy ti naamuan na manipud kadagiti contractor a kinotrada kadagiti proyekto nga ipatpatungpal ti opisina da.
Kuna na a daytoy ti rason a tultulungan da dagiti contractor a makisarita kadagiti dadduma a contractor nga adda suplay na iti semento a dagitoy ti mangaramid dagiti proyekto nga ipatpatungpal da wenno saan ket pabuludan da dagiti maseknan.
Inlawlawag na nga awan ti mabalin da no agkiddaw ti contractor ti pannakasuspenso ti proyekto gapu iti nasao a rason gapu iti kaawan pay sertipikasyon nga ited ti DTI mainaig ti nasao a banag.
