LAOAG CITY – Inbatad ni Public Works and Highways Secretary Vince Dizon nga ininspeksyon dagiti kameng ti Philippine National Police ken Armed Forces of the Philippines ti 8,000 nga infrastructure projects iti intero a pagilyan.
Segun kenni Dizon, malaksid kadagiti military and police personnel, kadua da pay ti Department of Economy, Planning, and Development iti simultaneous inspections.
Nagkedked met a mangibaga ni Dizon no anya a probinsya wenno rehiyon ti nagpokusan da ken awan dagiti “no-go” zone wenno lugar a naprotehiran iti aniaman nga inspeksion.
Kalpasan daytoy ket nagturong ni Dizon iti Independent Commission for Infrastructure (ICI) tapno isubmitir ti report.
Kadua da ni Public Works and Highways Undersecretary for regional operations Arthur Bisnar ken Independent Commission for Infrastructure special adviser ken investigator a ni dati a Police chief Gen. Rodolfo Azurin.
Inlawlawag pay ni Dizon nga ipinpinal da iti Independent Commission for Infrastructure ti panangala kadagiti kameng ti Philippine National Police ken Armed Forces of the Philippines tapno agimbestigar pay iti anomalya nga infrastructure projects.
