LAOAG CITY – Nakaiparuk-aten ti Pag-IBIG Fund ti P5.82 bilyon iti babaen ti Special Assistance for Financial Emergencies (SAFE) Loan iti kaudian a datos idi Hulio 22 tapno maitulong iti 803,769 a miembro sipud idi rinugian ti programa idi Hunio 10.
Ti SAFE Loan ket paset ti inisyatiba ti Pag-IBIG Fund kas sungbat iti panawagan ni Presidente Ferdinand “Bongbong” Marcos Jr. a mangipaay ti gobierno ti tulong kadagiti mangmangged a Pilipino iti baet ti tension iti Middle East.
Iti babaen ti Pag-IBIG SAFE Loan, ti aktibo a Pag-IBIG Fund members nga adda ti saan a bumaba iti 12 monthly savings ket mabalin a makabulod ti P10,000 wenno katukad ti 90% ti total Pag-IBIG Regular Savings-da wenno aniaman ditoy ti nababbaba.
Naammoan a tapno agbalin a kualipikado, nasken nga awan ti default ti miembro iti aniaman a Pag-IBIG loan.
Mapatawan daytoy ti interest rate a 5.95 percent per annum ken payable iti 12, 24 wenno 36 a bulan ken addaan pay ti three-month grace period sakbay a rugian ti binulan a panagbayad ti loan.
