LAOAG CITY – Nangipatungpal ti Home Development Mutual Fund wenno Pag-IBIG Fund ti baro a cash assistance program tapno matulungan dagiti miembro nga agkasapulan unay ti tulong pinansyal gapu iti ngumatngato a paggastusan iti balay, nga epekto paylaeng ti krisis iti Middle East.
Ti Special Assistance for Financial Emergencies (SAFE) Loan ti kaudian a relief measure nga inpatungpal ti state-run housing fund, a mangipalubos kadagiti miembro nga umutang ti agingga iti P10,000 wenno 90 percent ti total regular savings da.
Addaan daytoy ti interest rate a 5.95 percent iti kada tawen ken mabalin a bayadan ti dua agingga iti tallo a tawen, depende iti kayat ti mimebro a panagbayad.
Nailawlawag a dagiti miembro nga adda ti agdama nga utang na aglalo iti Pag-IBIG Multi-Purpose Loan wenn Calamity Loan ket mabalin da latta a gundawayan ti SAFE Loan assistance.
