LAOAG CITY – Nagpakamatay ti maysa nga ama babaen iti panagbekkel na idiay ili ti Currimao.
Binigbig ti PNP-Currimao ti biktima a ni Eduardo Pagar y Piñera, agtawen ti 50, naasawaan ken residente iti Brgy Pias Norte ti nasao nga ili.
Segun ken ni Bgy. Kagawad Rafael Gattoc , napan ti agnagan iti Jayson Cacdac y Saculpao, agtawen ti 25 residente met laeng ti nasao a barangay iti pagtaengan ti biktima tapno ipakaammo na nga adda ti interesado a gumatang iti ilaklako na a baka ket dita a nakita na a nakibitinen daytoy usar na ti tali a nylon.
Insigida met a nagresponde dagiti pulis kalpasan a naipakaammo kadakuada ti nasao a pasamak ket bayat ti panagimbestigar da ket nakita da ti maysa a notebook a naglaon iti “suicidal note ti biktima”
Saanen a nailawlawag no ania ti linaon ti nasao a surat.
Basar iti panangamiris ni Dra Christina Pingao, Municipal Health Officer, agarup innem nga oras a natayen ti biktima ken awan dagiti sabalin a dunor a nakita na iti bangkay malaskdi iti el-el ti tali iti tengnged na.
Nagkedked met dagiti annak ni bikitma nga ipadalan iti otopsiya tapno maduktalan koma ti naun-uneg a rason ti nakatayan na gapu ta kumbisido da a surat na iti nakita da iti notebook a “suicidal note” daytoy.
