LAOAG CITY – Inadmitir ni dati a Barangay Chairman Rey Ramos iti Barangay Lagui-Sail ditoy ciudad ti Laoag a nasakit ti nakem na gapu ta agpapan ita ket saan pay a napaserraan ti pagbasuraan ti barangay da.
Inbatad na nga idi kapitan paylaeng ket nagsasarita dan iti gobierno ditoy ciudad ti Laoag, kangrunaan na ti mayor a mapaserraanen ti nasao a pagbasuraan.
Nupay kasta, agpapan ita ket agtultuloy latta nga isu ti pakaikabkabilan dagiti basura.
Inbatad ti dati a kapitan a dandani manen ti panawen ti tudtudo ket agamak da a bumarangay amangan no makontaminaran dagiti kataltalunan a pakaalaan da nga agtaltalon kadagiti nagduduma a sakit.
Malaksid ti daytoy, agamak da pay a bumarangay amangan no maapektaran manen dagiti bubon a kangrunaan a pagal-alaan da ti danom.
