LAOAG CITY – Nagpalagip ni Provincial Director Police Senior Supt. Cesar Pasiwen kadagiti kameng ti pulisya ditoy probinsya.
Inbatad na a masapol nga agalerto dagiti amin a kameng ti pulisya gapu ta ado dagiti nasken nga ipaayan da ti seguridad kadagiti masungsungad a bolan.
Kuna na nga intono bolan ti pebrero ket ti masapol nga ipaayan da ti naan-anay a seguridad ket ditoy ciudad ti Laoag gapu iti pannakaiyuswat ti Pamulinawen Festival ken ti Tan-ok ni Ilocano Festival.
Intono bolan ti Marso ket ipaayan da met ti seguridad dagiti delegado iti Region 1 Athletic Association Meet gapu ta ti host ket ditoy probinsya.
Innayon na a ti maysa pay a kangrunaan a bantayan da ket ti pannakaiyuswat ti eleksyon intono Mayo ita a tawen.
