LAOAG CITY – Binalakadan ni Mrs. Normal Lagmay, provincial agriculturist dagiti mannalon ti bawang a saan pay laeng nga ilako dagiti produkto iti nalaka a presyo.
Daytoy ket gapo ta mabalin a gundaway dagiti market players.
Segun kenni Lagmay, saan da pay laeng kuma nga ilako dagiti mula a bawang gapo ta pagsasaritaan dan to pay ti nasao a banag.
Inlawlawag na a ti puunan ti bawang ket 38 a pisos agingga iti 40 a pisos.
Inbatad na a saan pay a panaggagabot ti mula a bawang isut gapo na a saan da pay a maibaga no mano ti presyo ti kagabgabot a bawang.
Immuna iti daytoy, adda ti dimmanon iti Bombo radyo nga impormasyon a nalaka ti presyo ti bawang idiay ili ti Bangui.
