LAOAG CITY – Nagtitinnulong ti PNP, DPWH-1st Engineering District ken ti Comelec ditoy ciudad ti Laoag a napan nagbaklas kadagiti maibilang nga illegal a posters dagiti kandidato para iti May 13 Midterm Elections.
Naamoan nga amin a nabaklas a posters ket kukua dagiti kandidato iti national ken naipan dagitoy iti ruar ti common poster area ken saan a nasurot ti usto a kadakkel na a 2 feet by 3 feet ti kada poster.
Ti nasao nga addang ket indaulwan ti Comelec babaen ti panangidaulo ni Atty. Julius Balbas, ti comelec officer ditoy ciudad ti Laoag.
Karaman kadagiti nabaklas ti posters na ket dagiti sumagmamano a partylist groups.
Maipalagip a maysa a lawas sakbay ti campaign period ket kinasarita ti comelec dagiti maseknan mainaig iti paglintegan.
