LAOAG CITY – Natulungan dagiti nasurok 600 a riders ti maysa nga ubing nga agsagsagaba ti sakit nga aplastic anemia iti Mariano Marcos Memorial Hospital and Medical Center idiay ciudad ti Batac.
Daytoy ket kalpasan ti naisayangkat a Ride for a Cause for Trisha Mae.
Segun kenni Mr. Jason Santiago, mangidadaulo ti Road Runners Club, nagduduma a rider group dagiti nakipagpaset iti ride for a cause a naggapo iti nagduduma a probinsya ken adda pay ti naggapo idiay Metro Manila.
Kunana nagrikos ti grupo dagiti riders manipud idiay ili ti Paoay, ciudad ti Vigan ken nagturong idiay Abra ken nagrikos da iti ili ti Nueva Era agingga a nakasubli da idiay ili ti Paoay.
Naamoan a dagiti riders ket naipaayan da ti certificate, rider patch, ken sticker.
Inbatada na a babaen iti 300 a pisos a pinagrehistro dagiti miembro ti grupo ket nakaukkon da ti naited iti agtawen ti 10 a ni Trisha Mae Sundayon.
Iti agdama ket nakaawiden ti ubing iti pagtaengan da ken kasapulan na pay ti inana para iti naan-anay a panagimbag na manipud iti sakit.
