LAOAG CITY – Kinondenar ni Mrs. Connie Ramos, ina ti ni Jeriel Ramos, maysa kadagiti suspek iti maipagarop a panagrames iti paset ti Barangay 7 iti ili Sarrat ti saan nga umiso a pannakaarestar ti anak na.
Segun kenni Mrs. Ramos, saan a napan dagiti otoridad iti balay da no diket innala da ti anak na it ruwar ken dagus da a pinosasan.
Inpetteng na a no tiliwen kuma dagti otoridad ti anak na ket adda ti iggem a warrant of arrest.
Inbatad na pay nga idi alaen dagiti pulis ti anak na ket pinabulsaan da ti saan nan a dinakamat a banag.
Kabayatanna, inakusaran pay ti ina a Ramos dagiti pulis nmga adda ti nangkugtar iti barukong ti asawa na nga isu ti as-asugen ti maseknan iti agdama.
Inlawlawag na a ti naamoan da a basol ti asawa na ket adda ti maipagarop nga innala na a wallet.
Kunana ni Ramos a maipagarop a nakaabungot ti maseknan a pulis a nangkugtar iti asawa na.
Paset ti panagsarita ni Mrs. Connie Ramos, ti ina ni Jeriel Ramos, maysa kadagiti maitudtudo a suspek iti panagrames
Kabayatanna,naiget a naglikudan ni Police Chief Inspector Roldan Suitos, chief of police ti PNP-Sarrat ti akusasyon ni Mrs. Connie Ramos, ti ina ti maysa kadagiti suspek iti panagrames a ni Jeriel Ramos.
Segun kenni Suitos, awan ti napasamak a panagkugtar gapo ta nabagaan da laeng ti ama a saan na a garawen ti wallet.
Inpetteng na nga ammo da a maiparit kadakuada ti agabuso ken ar-aramiden da laeng ti trabaho da.
Ummunan nga inbatad ni Suitos a nadlaw da a saan a makatalna ti ub-ubing a Ramos ken insenyas na iti ama na ti maysa a wallet.
Inlawlawag ni Suitos nga inpakada ti ama a Ramos nga alaen na ti wallet ti anak na nga adda iti bulsa na.
Kunana a ditoy da naduktalan nga adda ti karga ti wallet a maipagarop nga iligal a droga.
Mainaig iti daytoy, kuna ni Suitos nga idi nakita ti biktima dagiti maitudtudo a nanggundaway kenkuana ket nakapungtot ken madi ti rikna na.
