LAOAG CITY – Narekobre ti agruprupsan a bangkay ti maysa a lalaki iti plantasyon ti kape iti ili iti Carasi.
Binigbig ni retired SPO3 Garcia Turon ti biktima a ni Herminio Turon, agtawen ti 46, maysa a retarded, ken residente iti Brgy. Birbira iti nasao nga ili.
Segun ti inisyal nga imbestigasyon ti PNP, posible a natennag ti nasao a biktima manipud iti dan-aw ken maipagarop a naitupar ti ulo na kadagiti batbato a rason ti nakatayan na.
Naamoan a ti agnagan ti Benedict Tolentino, naasawaan ken caretaker ti plantasyon ti nakabirok iti bangkay ken dagus na nga inpakaammo kadagiti otoridad.
Immuna iti daytoy, naireport a mapukpukaw ni Turon idi Disyembre 18, 2018.
