LAOAG CITY – Sumango iti kaso a frustrated homicide konra iti suspek ti panagtagbat a napasamak idiay Sitio Sidaga, Barangay Agaga iti ili ti Burgos, Ilocos Norte.
Nabigbig ti suspek a ni Manuel Batuyong y Tambio, agtawen ti 30, residente iti Brgy. 27, Subbec iti ili ti Pasuquin idinto a ti biktima ket ni Christian Estimo y Peralta, agtawen ti 36, awanan ti asawa ken residente iti Brgy. 26,Salpad iti nasao nga ili.
Segun kenni Police Captain Sheryl Guzman, chief of police ti PNP-Burgos, manarimaan nga aggi-inom dagiti dua iti barracks da ken agsarsarita da seknan iti naglabas a relasyon da idi naaddaan da ti saan a panagkinnaawatan.
Gapo iti daytoy, inpang-or ni Estimo ti baso iti ulo ni Batuyong a rason met a nangala ti buneng ti suspek ken tinagbat na ti namin-tallo a daras iti akin-kannigid nga ima na ken naminsan iti barukong ti biktima.
Dagus a naitaray ti biktima iti Bangui District Hospital ngem naiyakar iti Governor Roque Ablan Memorial Hospital.
Inbatad ni Guzman a narekobre da ti buneng a nausar iti nasao a pasamak.
Kunana nga agbabbabawi ti suspek kalpasan a natagbat na ti biktima.
