LAOAG CITY – Nagikkaten iti Provincial Legal Office ni Ilocos Norte Electric Cooperative (INEC) Board President Enrico “Cocoy” Ruiz.
Daytoy ket gapo kalikagom na a matutukan wenno agpokus iti kina-board president na iti INEC.
Segun kenni Ruiz, no mabalin laeng kuma ket saan na a kayat ti pumanaw iti nasao nga opisina ngem adda ti responsibilidad da iti INEC a kasapulan ti naan-anay nga oras na.
Inlawlawag na nga iti posisyon na iti INEC ket ad-adda a makaipaay ti tulong kadagiti member consumers gapo ta sibubukel nga Ilocos Norte ti pagserbian na.
Naamoan a ni Ruiz ket nagserbi iti Legal Office iti gobierno probinsyal iti uneg ti 17 a tawen ken mamati nga ado met ti natulungan na a kailyan.
