Inlawlawag ni Dr. Elizer Asuncion, chief of hospital iti Laoag City General Hospital (LCGH) nga adda ti rumbeng a masurot mainaig iti panagusar ti ambulansya.
Inpetteng ni Asuncion nga adda ti mandar na a no saan a kabaelan ti pasyente wenno ti pamilya na ket tulong lattan ti pannakausar ti ambulansya nangruna no emergency wenno kritikal ti kondisyon ti pasyente.
Nupay kasta, kuna Asuncion a no kabaelan ti pasyente ken maiyakar kuma daytoy iti ad-adayo nga ospital ket masapol a masukatan latta ti krudo ti ambulansya.
Mainaig iti daytoy, inadmitir ni Asuncion a ti empleado iti nasao nga ospital ti adda ti nagkurangan na gapo ta mabalin a sabali ti pannakaibaga ti maseknan ti pannakusar ti ambulansya wenno ti makunkuna a “miscommunication”.
Iti agdama, kuna ni Asuncion a manarimaan da nga am-amoen no siasinno ti empleado a nangtaming iti ubing a nasangdo a taga Barangay 49-A, Darayday ditoy ciudad ti Laoag tapno malawlawagan ti pasamak.
Innayon na nga alisto da laengen a madeterminar ti nasao nga empleado gapo ta ammo dan ti petsa ken oras a napasamak daytoy.
