LAOAG CITY – Inlatag ti Department of Agriculture (DA) ti plano nga ad-adda a papigsaen dagiti lokal a produksion ken solar irrigation projects ditoy pagilian, kas panagsagana para iti umay a Super El Niño.
Kinuna ni DA Assistant Secretary ken Spokesperson Arnel De Mesa a dakkel ti maurnong dagiti mannalon kadagiti proyekto a solar irrigation, gapu ta saandan a kasapulan ti gastos iti gasolina ken mabenepisiaranda pay kadagiti sustainable water sources.
Mainaig iti daytoy, ad-adalen pay ti ahensia ti pannakagun-od kadagiti fertilizer wenno abono para iti daga; bayat nga ad-adda nga ipamaysada dagiti mapadanuman a lugar bayat ti tikag tapno masigurado a saan a maitantan ti produksion iti pagilian.
Insingasing ni De Mesa a kasapulan ti pagilian ti agpuonan kadagiti proyekto a water impounding kadagiti watershed areas, saan laeng a tapno malappedan ti layus, nudiket tapno mausar pay ti naurnong a danum ti tudo para iti irigasion, paginoman, ken hydro electric power generation.
