LAOAG CITY – Natay ti maysa a baket kalpasan a nadungpar ti nataray a kotse iti Bantay-Batac.
Nabigbig ti biktima a ni Saturnina Ragadi, agtawen ti 67, ken residente iti Brgy. Baligat iti siudad a siudad ken ti driver ti kotse ket ni King Pajinag, agtawen ti 27, security agent iti Bangko Sentral ng Pilipinas residente iti Parang iti ili ti Sarrat.
Segun kenni Police Cpl. Eduard Rabanal, imbestigador iti PNP Batac, bayat nga agpapaabagatan ti kotse nga inturong ni Pajinag ket kellaat a napukawan ti kontrol iti manibela.
Gapu iti daytoy, nagpulpuligos ti kotse agingga a nadungpar na ti baket nga agur-uray ti pagluganan na iti maysa a waiting shed.
Basar iti impormasyon, maipagarup nga adda ti liniklikan ti kotse a kurong-kurong rason a napukawan ti driver iti kontrol ti manibela.
Naamuan ti Bombo Radyo Laoag a nataray ti kotse gapu ta kamkamakamen ti guardiya ti oras iti panagtrabaho na iti nasao nga ahensya ti gobyerno.
