LAOAG CITY – Maiyuswat ita a lawas ti Road Clearing Operation iti National Road kangrunaan na iti Airport Road ditoy ciudad ti Laoag.
Daytoy ti inbatad ni Mr. Anthony Agcaoili, team leader ti road clearing operation ditoy ciudad.
Nagballaag ni Agcaoili a masapol a masurot ti paglintegan kangrunaan na ti pannakaikkat dagiti aniaman a makaabbeng iti kalsada.
Karaman ditoyen dagiti flower box, extended a paraangan ti balay ken aniaman a klase ti lugan.
Innayon na a saan koman nga urayen nga adda ti maticketan.
