LAOAG CITY – Naarestar ti maysa a maibilang a wanted person iti ili ti Nueva Era.
Nabigbig ti suspek a ni Neil Fernnel Labio y Bernido, agtawen ti 29, naasawaan, maysa a karpintero ken residente ti Brgy. Caray iti nadakamat nga ili.
Ti akusado ket naarestar iti family house da iti Purok 2, Brgy. La Paz, San Marcelino, Zambales.
Daytoy ket babaen ti bileg iti naiparuk-at a Warrant of Arrest nga in-issued ni Honorable Marvin Galacgac ti Presiding Judge MCTC Banna-Nueva Era para iti saanna a panagatendar iti Korte kabayatan ti naituding a hearing idi Nobiembre 18 itay napan a tawen.
Basar iti imbestigasion, naammoan a nairekomendar nga agbayad ti piyansa ti suspek a lima gasut a pisos.
Ti nasao a suspek ket inkabil da iti kuerpo ti pulisia ti Nueva Era para iti naan-anay nga imbestigasion.
