LAOAG CITY – Naka-lockdown ti Sitio Uno iti Barangay Lapaz-East ditoy ciudad ti Laoag kalpasan ti naiyetnag nga executive order ni Mayor Michael Marcos Keon.
Segun kenni Barangay Kagawad Dominic Liberato, 47 a pagtaengan dagiti apektado iti nasao a sitio ken dagiti laeng healthcare workers, kameng ti PNP ken barangay officials ti makarwar.
Inbatad na a dagiti met rimwar a napan nagtrabaho idi bigat kalman sakbay ti lockdown ket saan da pay laeng a makastrek iti nasao a sitio.
Kuna pay ni Liberato a 24nga oras nga agbantay da iti agsinnumbangir a chieckpoint iti nasao a sitio.
Mainaig iti daytoy, adda met ti naituding a mapan gumatang partikular dagiti opisyales ti barangay kadagiti kasapulan dagiti residente a naapektaran ti lockdown.
Kabayatanna, umabot iti walo nga indibidwal ti dumalan idi swab test intono bigat no sadinno a lima kadakuada ti kabbalay ni IN-C117 ken dagiti tallo ket katrabaho na nga agnanaed iti sabali a sitio iti nasao met laeng a barangay.
