LAOAG CITY – Natiliw ti maysa a menor de edad kalpasan a maipagarop a panagtakaw na ti baka iti Barangay Nalbo ditoy ciudad ti Laoag.
Segun ken ni Police Lt. Col. Rafael Lero, ti chief of police ditoy ciudad, ti nasao a suspek ket
Inbatad ni Lero nga adda ti timmawag kadakuada nga agbabuy and sell a taga ili ti Bacarra ngem agdama da nga agnanaed iti Barangay Darayday ditoy ciudad ti Laoag.
Kuna na nga inpakaammo kadakuada dagiti maseknan nga adda ti timmawag kadakuada ken adda ti ilaklako na a baka nga agbalor iti 36 a ribo a pisos.
Nupay kasta, kuna ni Lero nga iti pannakakita dagiti maseknan iti baka ket nagdudua da gapu ta bassit unay ti dingwen iti balor a 36 a ribo a pisos ken menor de edad ti aglako.
Gapu iti daytoy, dinamag dagiti maseknan ti dokumento ti baka ngem awan ti naipakita ti menor de edad ken bulon nan ti pimmanaw no sadinno nga inbati na ti baka iti lugar.
Iti panagimbestigar dagiti kameng ti pulisya ket naamoan nga adda ti napukawan ti taraken na a baka iti kallabes.
Nagturong dagiti kameng ti pulisya iti balay ti napukawan ti baka ken iti panangipakita da ti nagandat a mailako a baka ket kinumpirmaran na nga isu ti taraken na a napukaw.
Inadmitir met a dagus ti menor de edad a tinakaw na ti baka kabayatan ti papan panangimbestigar kenkuana dagiti kameng ti pulisya.
Malaksid iti daytoy, inadmitir pay ti suspek nga addan ti inaramid na a kastoy met laeng a krimen iti kallabes no sadinno a maipagarop a nagtakaw ti kalding ken baka.
Kabayatanna, kinumpirmaran ni Barangay chairman Ruben Roque iti Barangay Nalbo ditoy ciudad ti Laoag a namin-uppaten a naduktalan da a nagtakaw ti nagduduma ti klase na a dingwen ti suspek.
Nupay kasta, kuna ni Roque a maar-areglo ti nasao a kaso gapu ta awan dagiti tumakder a testigo.
Nupay kasta, mangnamnama ti kapitan a maikkan ti leksyon ti menor de edad tapno saannan nga uliten ti agtakaw.
Mamati ni Roque nga adda ti nataengan a mangbaybayabay iti suspek.
