LAOAG CITY – Kinumpirmaran ni Doctor Norman Rabago, ti Covid-19 consultant ditoy probinsya nga adda ti inyalokar ti Department of Health (DoH) a Sinovac vaccine ken Gamaleya Sputnik V vaccine iti rehiyon uno a pakairamanan ditoy Ilocos Norte.
Inbaga na nga adda ti sumangpet a 1,000 doses ti Gamaleya Sputnic V vaccine ngem para laeng ditoy ciudad ti Laoag idinto a ti Sinovac vaccine ket paggugudwaan ti Local Government Units (LGUs) ditoy probinsya.
Kuna na a daytoyen ti maikapat a brand ti covid-19 vaccine a naiyalokar ditoy probinsya nga inaprubaran ti Food and Drug Administration (FDA) ken inpaayan ti ahensya ti Emergency Use Authorization.
Innayon na a ti interval ti panagbakuna ti Sputnik vaccine ket 28 nga aldaw.
