LAOAG CITY – Nasuruken a 100 a porsiento dagiti residente a nabakunaan ti umuna a dose kontra iti covid-19 dagiti residente ditoy ciudad ti Laoag.
Daytoy ti makaigapu nga awan ti target a bilang ti gobierno lokal ditoy ciudad ti Laoag a mabakunaan iti pannakaiyuswat ti 3-day National Vaccination drive iti intero a pagilyan.
Inbatad ni Doctor Charito Malicad, ti information officer ditoy ciudad ti Laoag a naragsakan a nakaammo iti daytoy a banag ni Doctor Ruel Bubis, ti Medical Officer 4 ken Covid-19 focal person ti Department of Health (DOH) ken Center for Health Development I.
Innayon na a gapu iti kaadon dagiti nabakunaan a residente ditoy ciudad ket saanen a kasapulan nga agnayun ti vaccination sites.
