LAOAG CITY – Inpetteng ni Mayor Michael Marcos Keon a ti ginatang na a balay na iti Barangay Calayab ditoy ciudad ti Laoag ket saan a produkto iti tinakaw na a pondo ti ciudad.
Daytoy ket kalpasan nga adda ti nangegan ti step-daughter na a sarita ni Vice Mayor Vicentito Lazo bayat ti panagkampanya na iti nasao a barangay.
Segun kenni Keon, dinakamat inawagan na a traydor a ni bise mayor Lazo a ti pinanggatang na iti balay na ket manipud iti inbulsa na a pondo ti ciudad ti Laoag.
Inpalgak na nga awan ti tinaktakaw na a pondo ti lokal a gobierno ti Laoag gapo ta in-inot na pay a bayadan kenni Barangay Chairman Marvelyn Padayao ti nasao a pagtaengan.
Kunana a ti pagtaengan ket ginatang na iti 17 a milyon a pisos ngem pito pay laeng a milyon ti naibayad na agpapan kadagitoy a gundaway.
Inbatad na a ti kwarta na ket manipud iti inlako na nga apartment na idiay Metro Manila.
Mainaig iti daytoy, kinumpirmaran ni Kapitan Padayao ti nagbalin a katulagan da kenni Keon seknan iti panagbayad iti pagtaengan.
